БНХАУ-ын Тянжин хотноо болсон Зүүн Азийн зургаа дахь удаагийн наадмаас манай баг тамирчид медалийн ургац арвинтай байна. Зүүн Азийн есөн орны баг тамирчид өрсөлдсөн энэ наадмаас манай улсын баг 22 медаль хүртлээ. Өчигдөр тэмцээний сүүлийн өдөр жүдо бөхийн төрөлд дөрвөн хүрэл медаль хүртсэнийг Монголын жүдо бөхийн холбооны Ерөнхий нарийн бичгийн дарга М.Бөхбат спортын хорхойтнууддаа мэдээлэв. Тухайлбал, эрэгтэйчүүдийн 90 кг-ын жинд Г.Дашдаваа, +100 кг-ын жинд П.Бүрэнтөгс, эмэгтэйчүүдийн 63 кг-ын жинд А.Саранзул, +78 кг-ын жинд О.Жавзмаа нар хүрэл медаль хүртлээ.