Норвегийн 22 настай гроссмейстер Магнус Карлсен сая Ченнаед болсон дэлхийн аварга шалгаруулах тэмцээнээр шатрын дэлхийн 16 дахь аваргаар тодорсон байна. Тэрээр 10 дахь өргөөрөө дэлхийн аварга асан Энэтхэгийн шатарч Вишванатан Анандтай 65 дахь нүүдэлдээ хайнцаж нийт оноо нь Карлсены талд ашигтай 6,5:3,5 болсноор дэлхийн аваргын титмийн эзэн болжээ.  
Свен Магнус Ээн Карлсен 1990 онд төрсөн. 2004 оны дөрөвдүгээр сарын 26-нд 13 нас дөрвөн сартайдаа манай гаригийн хамгийн залуу гроссмейстр болж байсан залуу шатарчин. 2013 онд “Time” сэтгүүлийн “Дэлхийн хамгийн нөлөө бүхий 100” хүний жагсаалтад орсны тайлбарыг нь дэлхийн аварга шатарчин Гарри Каспаров бичсэн залуу.