Ямайкийн тамирчин Усэйн Болт, Шелли-Анн Фрэйзер-Прайс нар 2013 оны дэлхийн шилдэг эрэгтэй, эмэгтэй тамирчин боллоо.

Таван удаа энэ шагналын эзнээр тодорсон Болт, анх удаа авсан Фрэйзер-Прайс нар “Олон улсын тамирчдын холбоодын холбоо”-ны дэлхийн тамирчдын гала тоглолтын үеэр шагналаа авчээ. Хоёр тамирчинд 100 мянган долларын мөнгөн шагнал дагалдан очно. 2008, 2009, 2011, 2012 оны дэлхийн шилдэг тамирчин болж байсан, 27 настай Болт энэ онд Москва хотноо болсон хөнгөн атлетикийн ДАШТ-ий 100 болон 200 метрийн зайд түрүүлсэн юм. 26 настай Фрэйзер-Прайс мөн Москва хотноо болсон хөнгөн атлетикийн ДАШТ-ий эмэгтэйчүүдийн 100 метрийн зайд түрүүлсэн билээ.