Азербайжаны нийслэл Баку хотноо энэ сарын 22-ны өдөр эхэлсэн “Алтан Гран при” тэмцээнээс манай баг тамирчид гурван медаль хүртжээ. Тус тэмцээнийг “Олон улсын бөхийн төрлүүдийн холбоо”- оос уламжлал болгон зохион байгуулдаг юм. Сонгомол барилдаан, болон чөлөөт бөхийн эрэгтэй, эмэгтэйчүүдийн ангилалд дэлхийн 35 орны шигшигдсэн 300 гаруй тамирчин нэр заагдаж уригдан оролцсон билээ.  Манай улсаас есөн эмэгтэй тамирчин зодоглосон бөгөөд 51 кг-ын жинд “Замчин” спорт хорооны тамирчин ОУХМ Э.Сумьяа, 59 кг-ын жинд Т.Мөнхтуяа нар мөнгөн медаль хүртсэн бол, 72 кг-ын жинд Б.Одончимэг хүрэл медалийн эзэн болжээ.