Оросын холбооны улсын Ерөнхий сайд Медведевийн баталсан тогтоолын дагуу удахгүй Сочид болох Өвлийн олимпын тоглолтын үеэр алтан медаль авсан тамирчнаа дөрвөн сая рублиэр урамшуулахаар болов. Мөнгөн медаль авсан тамирчин 2,5 сая рубль, хүрэл медалийн эзэн 1,7 сая рубль авна. Ирэх оны нэдүгээр сарын 1-ээс эхлэн хүчин төгөлдөр болох энэ тогтоолд Сочийн олимпын тоглолтын орос тамирчдад олгох мөнгөн шагналын хэмжээ нь 2012 онд Лондонд болсон Зуны Олимпын тоглолт ба Паралимпын тоглолтын ялагчдад өгсөн шагналтай дүйцэж байгаа гэдгийг онцолсон аж. Шигшээ багийн тамирчдаас гадна дасгалжуулагч болон бусад мэргэжилтнүүд нь тусгай шагнал авах гэнэ.
Эдгээр шагнал нь Холбооны буюу төв засгийн газраас өгч байгаа шагнал. Харин Оросын зарим бүс нутаг  хамаагүй илүү шагнал амлаж байгаа юм.  Тухайлбал, Петербург хотын тамирчин алт авбал хотын төсвөөс таван сая рублиэр, Сочийн Олимпод оролцох эрх авсны төлөө 50 мянган рублийн  урамшуулал авах юм байна.