Токио хотноо болсон “Их дуулга” тэмцээнээс олимпийн аварга, хөдөлмөрийн баатар Н.Түвшинбаяр хүрэл медаль хүртлээ. Тэрээр эхний тойрогт БНСУ, Японы бөхчүүдийг ялж, хэсгийн аваргын төлөө Чехийн Крпалек Лукастад базари үнэлгээрээр ялагдсан ч, ОХУ-ын Самойлович Сергей, Казахстаны Раков Максимыг ялснаар медаль хүртсэн юм.

Энэ тэмцээнд манайхаас 11 тамирчин зодоглосноос эмэгтэйчүүдийн 48 кг-д ОУХМ, дэлхийн аварга М.Уранцэцэг мөнгө, эрэгтэйчүүдээс -100 кг-д олимпийн аварга Н.Түвшинбаяр хүрэл медаль хүртлээ. Эрэгтэйчүүдийн -60 кг-д Д.Амартүвшин V, Г.Болдбаатар VII, -73 кг-д Х.Цагаанбаатар V байр эзэлж, багийн дүнгээр VII байр эзэлсэн байна.