Солонгосын тулааны урлаг таеквондогийн хамгийн дээд буюу есдүгээр зэргийг Оросын Ерөнхийлөгч Владимир Путин хүртлээ.

Хар бүс, батламж болох өргөмжөл бүхий есдүгээр зэргийн шагналыг Дэлхийн таеквондогийн холбооны тэргүүн Чоу Чун Вон Өмнөд Солонгост айлчилж буй, Оросын тамирчин удирдагчид гардуулсан байна.
"Би энэ зэргийн шагналыг хүртэх хэмжээнд хүрээгүй гэж санаа зовж байна" гэж Путин хэлжээ. "Тулааны энэ гайхамшигтай урлагийг дэлгэрүүлэх кампанит ажил өрнүүлцгээе. Үүнийг эх орондоо дэлгэрүүлэхэд Орос улс бололцоотой бүхнээ хийнэ" гэж тэрбээр хэлэв.
Таеквондогийн хамгийн дээд зэрэг "дан"-г цөөн хэдэн хүн авч байсан юм. Тэдний дунд АНУ, Индонез, Гондурас, Испани, Хорват, Пакистан зэрэг улсын Ерөнхийлөгч нар байна.
Таеквондо нь тулаан болон өөрийгөө хамгаалах арга текник бүхий Солонгосын зодооны урлаг бөгөөд дэлхийн 250 орны 70-80 сая хүмүүс энэ спортоор шамдан хичээллэдэг ажээ.