Олон улсын жүдо бөхийн холбооноос мэдэгдэл гаргаж Лондонгийн олимпоос хойш 2016 оны олимпын эрхийн оноо цуглуулан өнөөдрийг хүртэл чансааг тэргүүлэн буй 14 жүдочийг урамшуулахаар болсноо дэлхий нийтэд зарлалаа.
Эрэгтэй, эмэгтэй тус бүр долоон жингийн шилдгүүдийг 10 мянган ам.доллараар шагнах бөгөөд эрэгтэйчүүдийн 66 кг-д 1830 оноогоор дэлхийн чансааг тэргүүлэгч Д.Төмөрхүлэг, 73кг-ын нэгдүгээрт бичигдсэн С.Ням-Очир нар энэхүү болзлыг хангасан байна. Харин Дэлхийн аварга М.Уранцэцэг хоёрдугаарт, олимпын аварга Н.Түвшинбаяр чансааны арваннэгдүгээрт бичигджээ.