Португалийн шигшээ багийн болон мадридын “Реал” багийн довтлогч нэрт хөл бөмбөгчин 28 настай Криштиан Рональд хөл бөмбөг тоглож эхэлснээсээ хойш 400 дахь гоолоо оруулсан байна.
Тэрээр саяхан болсон Испанийн аварга шалгаруулах тэмцээний үеэр “Сельты” багийн эсрэг тоглохдоо хоёр дахь бөмбөгөө оруулсан нь түүний 400 дахь гоол байжээ. Тэрээр “Селты”-ийн хаалганд эхний бөмбөгөө 82 дахь минутад оруулсан бол хоёрдахь буюу 400 дахь гоолоо нэмэлт гурван минутад оруулжээ.
Тэрээр энэ бүх бөмбөгөө “Спортинг”, “Манчестер Юнайтед”, “Реал” багт тоглож байхдаа хийсэн бол 162-ыг нь баруун хөлөөрөө, 75-ыг нь зүүн хөлөөрөө, 62-ыг  толгойгоороо, 63-ыг нь 11-алхмаас, 38-ыг нь торгуулийн цохилтоор оруулжээ.