Хойд Солонгос цөмийн гурав дахь туршилтаа хийхэд бэлэн болоод байгаа тухайн нэгэн эх сурвалж “Ройтерс”-т мэдээлжээ. Өмнө нь, Хойд Солонгосын тухай нууц мэдээллүүдийг үнэн зөвөөр урьдчилан хүргэж байсан нэр нь үл мэдэгдэх эх сурвалжийн хэлснээр тус улс цөмийн туршилт хийх бэлтгэлээ бүрэн хангасан бөгөөд өнөө, маргаашгүй болох гэнэ. Өнөөдөр Хойд Солонгосын армийн баяр болж буй бөгөөд энэ өдрийг тохиолдуулан цөмийн туршилтаа хийж магадгүй гэсэн мэдээлэл ч байгаа аж.  
Хойд Солонгос 2006, 2009 онд хоёр ч удаа газар доогуур цөмийн туршилт хийсний дараа НҮБ-аас тус улсад хориг тавьсан билээ. Гэвч Пеньян хоригийг үл ойшоож, дахин цөмийн туршилт хийвэл Солонгосын хойгийн нөхцөл байдал улам хурцдах нь тодорхой юм.