Өвлийн олимп болох Сочи хотын амьтны хүрээлэн дэх хоёр халиу  спортын арга хэмжээний дүнг урьдчилан таана гэнэ. Булга энэ үзүүлбэрээ хоёрдугаар сараас эхэлжээ. “Хоёр халиу  уран гулгалтын Европын аварга шалгаруулах тэмцээнд орос ялна гэдгийг яг таажээ” хэмээн ИТАР-ТАСС-ын сурвалжлагч бичсэн байна. Үнэхээр энэ тэмцээнд эмэгтэйчүүдийн ганцаарчилсан үзүүлбэрт оросын гулгагч Юлия Липницкая түрүүлсэн юм.
Амьтны хүрээлэнгийн орлогч захирал Жанна Зазина “Тэдний өмнө хоёр хувилбарт дүрс тавихад халиунууд  зөвхөн нэгийг нь сонгодог төдийгүй үүнийгээ ойр тойрны хүмүүст гайхуулдаг юм” гэж хэлсэн байна. Эр эм хоёр халиуг Сочийн амьтны хүрээлэнгийнхэн тохиолдлоор олж авчээ. Тэднийг бэртчихээд ойд байж байхад нь олж энд авч ирэхэд тун амархан дасч одоо хүмүүсээс бүр айхаа больсон гэнэ.
Амьтны хүрээлэнгийн ажилтнууд усны энэ хоёр амьтан спортын амжилтыг урьдчилан таадаг авьяасаараа 2008 онд Европын аварга шалгаруулах хөл бөмбөгийн тэмцээний үеэр хоёр ч удаа алдаа гаргасан Паул гэдэг дун хорхойны амжилтыг эвдэнэ гэж үзэж байна.