Ирэх сарын 2-нд Японы Токио хотноо болох мэргэжлийн сүмо бөхийн 69 дэх Их аварга Хакүхо М.Даваажаргалын нэрэмжит “Hakuho Cup” тэмцээнд оролцох өсвөрийн сүмочдод өнөөдөр хувцас гардууллаа.

Тус тэмцээнд Монголын найман сумоч хөвгүүн өрсөлдөнө. Манай тамирчид одоогоор Их шавийн дээд сургуулийн зааланд бэлтгэлээ базааж байгаа бөгөөд энэ сарын 27-нд Токиог зорих юм. Өнөөдөр энэ тамирчдад “Хакүхо сан”-гаас бэлтгэлийн хувцас гардуулж, амжилт гаргахыг хүслээ.