Сочигийн өвлийн олимпын наадамд амжилт гаргасан тамирчдыг шагнах олимпын медалиудыг танилцууллаа.

Медалиуд дээр цаст уулын орой дээрээс Хар тэнгисийн элст эрэг рүү нар тусаж буйгаар Сочигийн үзэсгэлэнт газар нутгийг дүрсэлж, Оросын үндэсний шигтгэмэл хээгээр чимэглэжээ.
Медалиуд нь 10 см диаметртэй, нэг см зузаантай бөгөөд Оросоос олборлосон металлаар хийсэн байна. Харин мөсийг дүрслэхдээ нэвт гэрэлтсэн синтетик давирхай ашиглажээ.
Үнэт эдлэл үйлдвэрлэгч нэг компани медалиудыг хийсэн юм. Медалиуд дээр илүү гэрэл ойлгохын тулд гар урчууд өнгөлжээ.
Сочигийн өвлийн олимп болон паралимпт зориулан анх удаа хамгийн олон буюу 1300 медаль хийсэн аж. Олимпын наадамд зориулсан арга хэмжээний тоо ч өмнөх наадмуудынхаас олон болж байна.