Өвлийн олимпын наадам-2014 эхлэхээс хоёр хоногийн өмнө буюу өчигдөр олимпын бамбар Сочи хотод очлоо.

Хар тэнгисийн эрэг тэшүүрийн төрлийн тэмцээнд зориулсан гол цогцолбор "Олимпын парк"-ийн ойролцоох "Адлер" буудалд бамбарыг тээж явсан галт тэрэг лхагва гарагийн үдээс хойш зогсчээ.
Энэ баасан гарагт болох нээлтийн ёслолд "Фишт" олимпын цэнгэлдэх хүрээлэн рүү бамбарыг авчрахаас өмнө гурван өдрийн турш Сочи хотын төв болон уулархаг бүсээр 300 орчим гүйгч өртөөлүүлнэ.
Бамбарыг өнгөрсөн оны 10 дугаар сард Грекийн Афин хотоос Орост хүргэсэн юм. Дөрвөн сар гаруйн турш олимпын бамбарыг нийслэл Москва хотоос Сочи хүртэл 650 орчим км замаар өртөөлүүлээд байна.