Гадаадын улстөрчид Сочигийн олимпод оролцохгүй хэмээн зарлаж байгаа нь ОХУ-ын биш, харин Олон улсын олимпын хорооны урилгыг үл тоомсорлож байгаа хэрэг хэмээн ОХУ-ын Гадаад хэргийн сайд Сергей Лавров сэтгүүлчдэд мэдэгджээ. Тэрээр “Одоогийн байдлаар 44 орны төр, засгийн тэргүүн өвлийн олимпын зөвхөн нээлтэд ирэх бол нийтдээ энэ тоо 60 орон болж өснө. Тэгээд л өөрсдөө дүгнээд үз л дээ” гэсэн байна. Тэр бас Орос улс олимпоор далимдуулан хэн нэгэнд ямар нэг мессеж илгээхийг бодохгүй байна гээд “Бид олимпыг баяр гэж үзэж спортын энэ том арга хэмжээнд л зочдоо урьсан, тамирчдаа л бүхнээс илүүд үзэж байгаа. Ер нь бүх зүйл тамирчдаас л шалтгаална” гэж хэлжээ.
Өнөөдөр нээлтийн ёслол нь болох Сочигийн олимпын сноуборд, уран гулгалт, фристайлын тэмцээнүүд өчигдөр эхэлсэн юм.