Францын иргэн 102 настай Робер Маршан дугуйгаар цагт 27 км хурдалж 100-аас дээш настнуудын болон, өөрийнхөө өмнөх дээд амжилтыг эвдсэн байна. Түүнийг энэ амжилтаа тогтоох үеэр 300 орчим хүн ирж дэмжжээ. Замын төгсгөл рүү ирэхэд жаахан ядарсан ч гэсэн түүний биеийн байдал хэвийн байгаа гэнэ.

100-аас дээш насандаа дугуйгаар тогтмол хичээллэж байгаа Маршан 2012 онд цагт 24,25 км зам туулж байсан юм. Үүнээс гадна тэрээр 100 гарсан хойноо дугуйгаар 100 км зам туулсан цорын ганц хүн юм. Энэ замыг тэрээр 4 цаг 17 минутад туулжээ.