Оросын охидын Тату хэмээх хамтлаг арваад жилийн өмнө гарч ирж, залуусыг хуйлруулж, дэлхийн хэмжээний од болтлоо алдаршсан. Ижил хүйстэн хамтлагийн гишүүн Юлия Волкова, Лена Катина нар уран бүтээлээ хийхээ больсон  ч өчигдөр шөнө болсон Сочигийн Өвлийн Олимпийн наадмын нээлтийн ёслолын тайзнаа гарч олны анхаарлыг татав. Тэд 2003 оны хит болсон “Not Gonna Get Us” дуугаа дуулсан байна. Тэд 2003 онд МТВ Мүви авардс-т оролцож байхдаа тайзан дээр үнсэлцсэн шигээ үйлдэл хийгээгүй ч Фишт цэнгэлдэхэд гар гараасаа барилцан, хөтлөлцөж их л дотно харагджээ. Хэвлэлийнхэн тэдний энэ байдлыг В.Путинд үзүүлж буй эсэргүүцэл гэж таамаглаж байна. Гэхдээ бас тэднийг Олимпийн нээлтэд оролцуулсан нь тохиолдлын явдал биш ч гэж зарим тал үзэв.