Сочийн өвлийн олимплд  өрсөлдөхөөр ирсэн америкийн бобслейч Жонни Куинн буусан зочид буудалдаа усанд орж байтал  усны өрөөний нь хаалга хаагдчихаж. Тэгээд гарах гэтэл хаалга нь дотроосоо нээгдсэнгүй гэнэ. Тамирчинд гар утас нь байсангүй, аргаа барахдаа хаалгыг нь эвдэхэд хүрлээ гэж өөрийнхөө твиттерт бичжээ.
Урьд нь америк хөл бөмбөгийн  “Баффола” болон “Грин Бэй” багуудад тоглож байсан 30 настай Куинн 2010 оноос бобслейгээр хичээллэж анх удаагаа өвлийн олимпод оролцож байгаа юм.
          
Өвлийн олимпын хот Сочигийн зочид буудлууд нь тун тааруухан байгаа талаар барууны сэтгүүлчид энд ирсэн эхний өдрөөсөө л гомдоллож шүүмжлэн бичсээр байгаа юм.