Үндэсний супер лигийн аварга шалгаруулах тэмцээний сүүлийн тоглолтууд өнөөдөр СТО-нд болно. Улирлын тоглолтын дараа плей-оффын тоглолтууд дөрвөн багийн дунд өрнөдөг билээ.
Өнөөдөр гурван тоглолт товлогдсоноос хамгийн сонирхолтой нь шилдэг багуудын дуэль. Хожсон баг нь улирлыг амжилтаараа тэргүүлэх ба уламжлал ёсоор “Шилдэг дасгалжуулагч”-ын цомыг ч дагуулах юм. Энэ улирлыг “СБЛ Хасын хүлгүүд” болон “Дорнод Танан гарьд” амжилтаараа тэргүүлснээр сонирхолтой дуэлийг хийхээр болсон. Өнгөрсөн жилийн аваргын цувралд хүч үзсэн хоёр баг маань хэдий плэй-оффт шалгарах эрхээ авсан ч байрлал тодорхойлох мөн гол өрсөлдөгчтэйгөө хүч үзэхдээ бууж өгөхийг хүсэхгүй нь ойлгомжтой.
Мөн плэй-оффт шалгарах эрхээ авч чадаагүй ч Аравтууд болон Ригс багуудын тоглогчид үзэгчдээ хүндэлсэн өрсөлдөөнтэй тоглолт гаргах байх гэж найдаж байна.