Шинийн наймны билигт сайн өдөр /2014.02.08/ Олон улсын спортын сэтгүүлчдийн холбоо /AIPS/-ноос Сочи хотын “Austria Tirol House” зочид буудалд “Зургаа ба түүнээс дээш өвлийн олимпийг сурвалжилсан сэтгүүлчид”-ийг хүлээн авч, хүндэтгэл үзүүлэн, тэдэнд дурсгалын батламж гардууллаа.

Уг хүндэтгэлийн арга хэмжээнд олон улсын 33 спортын сэтгүүлчийг нэр заан урьсан юм. Тэдний дунд Монголын спортын сэтгүүлчдийн холбооны хүндэт ерөнхийлөгч Жүгдэрийн Отгонцагаан байв. МҮОХ-ны ерөнхий нарийн бичгийн дарга, Монгол Улсын СГЗ, спортын сэтгүүлч Ото /Ж.Отгонцагаан/ нь “Лиллехаммер 1994”, “Нагано 1998”, “Солт-Лейк 2002”, “Турин 2006”, “Ванкувер 2010”, “Сочи 2014” олимпийн наадмыг сурвалжлаад байна. Тэр бас зуны зургаан олимпийн наадмыг сурвалжилсан гэдгээрээ дэлхийд танигдсан манай улсын спортын сэтгүүлч юм.