Лхагва гаригийн тэмцээн уралдаанаас  Австрали, Латви улсын тамирчид анхны медалиа хүртсэнээр  ОХУ-ын Сочи хотноо эхлээд зургаа хонож байгаа өвлийн цагаан олимпын XXII наадмаас тамирчид нь медаль хүртсэн орны тоо 24 боллоо.
Норвегийн тамирчид 4 алт, 3 мөнгө, 5 хүрэл медаль хүртээд байгаа ч гуравдугаарт жагсч Германчууд 6 алт, мөнгө, хүрэл медаль тус бүр нэгийг хүртэж медалийнхаа чанараар тэргүүн байрт орж байна. Хоёрдугаарт Канадын тамирчид 4 алт, 4 мөнгө, 2 хүрэл медальтай байна.
Дэвжээний эзэн ОХУ-ын тамирчид лхагва гарагт нэг алтан медаль хүртэж 2 алт, 4 мөнгө,  3 хүрэл нийт  9 медальтайгаар долдугаар байрт явж байна.
Итали, Австрали, Хятад, Финлянд, Их Британи, Латви, Украины улс тус бүр нэг медалтай байна.