Мөнгөө хэмнэж машиндаа нэг жил амьдарсан залуу
Жастин Райтер /АНУ/

Америкийн сноубордын тамирчин, 2013 оны дэлхийн аваргын мөнгөн медальт  Жастин Райтер  мөнгөгүйн улмаас өмнөх олимпод оролцож чадаагүй. Харин Сочигийн олимпод оролцохын тулд тэрээр нэг жилийн турш хувийнхаа машинд амьдарсан байна.
Машиныхаа ачааны хэсэгт унтаж, заримдаа майхан хонож байж. Хамаг л үнэт зүйлс, бичиг баримт, дэлхийн аваргын мөнгөн медалиа хүртэл машиныхаа урд хайрцагт хийн хадгалж байжээ. Ингэж тэвчээр заан хэмнэж чадсанаар тэр Сочигийн олимпоос алтан медаль хүртлээ

Хөдөөгийн фермээс Сочид ирсэн бүсгүй
Кэти Уландер /АНУ /

Хоёр ч удаа бэртэл авч зургаан удаа мэс засал хийлгэсэн Скелетоны тамирчин Кэти 2009 онд спортоо арай л орхисонгүй. Дэлхийн хоёр удаагийн аварга, дэлхийн цомын хоёр ч удаагийн аварга тэрээр Сочид ирж өрсөлдөхийн төлөөнөө бараг л дэлхий даяар мөнгө цуглуулах хэрэг гарч.

Дасгал сургуулилтынх нь зарим зардлыг  хувийн фермтэй ээж нь гаргаж тус болж байлаа. “Сочигийн олимп бол миний хувьд эх орондоо, 2009 онд нас барсан аавдаа зориулж олимпын медаль авчрах хамгийн сүүлчийн боломж” гэж олимпын өмнөхөн Кэти Уландер хэлжээ.