Хүүхэд залуусын хүсэн хүлээсэн Хойд Америкийн сагсан бөмбөгийн бүх оддын тоглолт эхлэх гэж байна. Америкийн Нью Орлеанс хотод болох 63 дахь удаагийн бүх оддын тоглолт маргааш шинэ тоглогчдын тэмцээнээр  эхэлж, ням гарагт ур чадварын тэмцээн, слем данк, гурван онооны шидэлт, багийн эзэд тоглогчдын шидэлтийн тэмцээнээр үргэлжилнэ. Харин ирэх даваа гарагт бүх оддын тоглолт болох бөгөөд өрнөд бүсийн гараанд Энтони Дэвис, Стефэн Карри, Кевин Дурант, Кевин Лав, Блэйк Гриффэн нар багтсан бол дорнод бүсийн гарааны тавд Кайри Ирвинг, Дуэйн Уэйд, Леброн Жеймс, Пол Жорж, Кармело Антони нар сонгогджээ.