Сочигийн өвлийн олимпын араас залгаад болох 2014 оны Паралимпын тоглолтын гарааг ирэх гуравдугаар сарын 2-нд ОХУ-ын нийслэл Москва хотноо Улс ардын аж ахуйн ололт амжилтын үзэсгэлэнгээс эхлүүлнэ гэж Оросын нийслэлийн Спорт биеийн тамирын удирдах газрын сайтад бичсэн байна. “Паралимпын галыг Москва хотоор хөгжлийн бэрхшээлтэй нэртэй  тамирчин, паралимпын спортын байгууллагын нэр бүхий ажилтнууд, дуучин, хөгжмийн зохиолч, багш, дасгалжуулагч, телевизийн хөтлөгч нийт 120 хүн  өртөөлөн авчирна” гэж мэдээлэлд дурджээ.
Паралимпын бамбарын аялал гуравдугаар сарын 7-нд олимпын хот Сочид  хүрэлцэн очиж Фишт цэнгэлдэх бадамлах юм. Өвлийн паралимпиад олимпын хот Сочид гуравдугаар сарын -16-нд болно.