Сагсан бөмбөгийн гавьяат тамирчин Ц.Шаравжамц өөрийн “Старс” клубын нээлтээ хийж 10-15 насны охид, хөвгүүдийг дасгалжуулахаар болжээ.

Түүнийг клубынхээ үйл ажиллагааг албан ёсоор эхлүүлээгүй байхад л хичээллэх хүүхдийн тоо нь бараг бүрдсэн гэнэ. Монголын хамгийн өндөр сагсан бөмбөгч Шараваа гавьяатын хоёр хүү Ш.Энхийн-Од, Ш.Мөнхийн-Од өсвөрийн сагсан бөмбөгийн аварга шалгаруулах тэмцээнд түрүүлж, нэг хүү нь шилдэг тоглогчоор шалгарч шигшээ багт багтжээ.

Дашрамд сонирхуулахад, Ц.Шаравжамцын аав, ээж гэр бүл удмаараа өндөр нуруутай хүмүүс байдгийг сагсанбөмбөг сонирхогчид мэддэг. Өдгөө ч түүний том хүү нь 15 настай хэдий ч 191 см өндөртэй болчихоод байгаа нь Монголын шилдэг сагсан бөмбөгчийн залгамж халаа удахгүй төрж гарах нь эргэлзээгүй юм.