М.Каддафийн үед Ливийн Газрын тосны сайдаар ажиллаж байсан Шукри Ганем Австрийн Вена хотод амиа алдсан байхыг олжээ. Түүний цогцсыг Дунай мөрөнд загасчилж явсан нэгэн эрэгтэй олсон байна. Экс сайдын үхлийн шалтгааныг одоогоор тогтоогоогүй боловч гадны нөлөөтэй гэж хэлэх ил шарх сорви байгаагүй гэнэ. Гэхдээ хэрэв хэн нэгэн түүнийг ус руу түлхсэн байхад гадны хүчний ямар нэг ул мөр үлдэхгүй учраас мөрдлөгийг илүү нарийн явуулна гэдгээ Австрийн цагдаагийн газар мэдэгджээ. 
Ливийн Ерөнхий сайд, Газрын тосны сайдаар ажиллаж байсан Шукри Ганемыг М.Каддафийн хамгийн ойрын туслахуудын нэг гэлцдэг байсан ч тэрээр өнгөрсөн онд экс удирдагчийнхаа дэглэмийг унагахыг дэмжсэн мэдэгдэл хийсний дараа Тунисээр дамжин Европ руу дүрвэн гарсан юм.