Испанийн эдийн засаг хямралд оржээ. Тус улсын Үндэсний Статистикийн хорооноос гаргасан албан ёсны  тоо баримтаар бол энэ оны эхний улиралд эдийн засаг 0,3 хувиар агшсан байна. Аливаа улсын эдийн засаг хоёр улирал дараалан хасах үзүүлэлтэй гарвал хямралд орсонд тооцдог.  Испанийн хувьд өнгөрсөн оны эцсийн улиралд ч хасах үзүүлэлттэй гарсан учир ийнхүү хямарсан хэмээн тооцож байгаа юм.
Евро бүсийн өрийн хямралд хамгийн хүндээр нэрвэгдсэн орнуудын нэг болох Испанийн эдийн засаг хямарсан гэдэг мэдээлэлтэй зэрэгцэн тус улсын есөн том банкны зээлжих зэрэглэлийг бууруулж буйгаа “Standard and Poor’s” агентлаг зарлалаа.