Бразилийн өмнөд нутагт байдаг Порту-Алегри хот энэ зургадугаар сард эхлэх Дэлхийн хөлбөмбөгийн аварга шалгаруулах тэмцээнийг явуулахаас татгалзаж магадгүй болжээ. Тус хотын мэр Жозе Фортунатийн тайлбарласнаар хотын эрх баригчид аварга шалгаруулах тэмцээнд зориулан түр хугацааны объект байгуулахад оролцож байгаа компаниудыг татвараас чөлөөлөх хууль батлах ёстой. Гэтэл хотын парламентын зарим гишүүн татвараас чөлөөлөхийг эсэргүүцсэн байна. Энэхүү эсэргүүцлээс болж татвараас чөлөөлөх хуулийг батлахгүй бол хот тэмцээн зохион байгуулагчдын өмнө хүлээсэн үүргээ биелүүлж чадахгүйд хүрч хасагдах юм. Хуваарь ёсоор Порту-Алегри хотод Франц, Голланд, Аргентиний шигшээ багуудын тоглолт явах ёстой.
2014 оны хөлбөмөгийн дэлхийн аварга шалгаруулах тэмцээн зохион байгуулах явцад Бразилийн Засгийн газар энэ мэт олон бэрхшээлтэй тасралтгүй тулгарч байгаа юм. Тухайлбал, зарим цэнгэлдэх хүрээлэн баригдаж дуусаагүй, дууссан нь чанарын шаардлага хангахгүй байгаа гэдгээс эхлээд улс даяар тэмцээн зохион байгуулахад хэт их хөрөнгө зарцуулж байгааг эсэргүүцсэн жагсаал тасрахгүй байна.