Монголын сагсан бөмбөгийн холбооны нэрт зүтгэлтэн, алдрын танхимын гишүүн, сагсан бөмбөгийн спортын мастер Д.Содномзундуй агсны нэрэмжит ахмадын сагсан бөмбөгийн долоо дахь удаагийн УАШТ эхэллээ. Энэ удаагийн тэмцээнд эрэгтэй дөрвөн насны ангилалд 23 баг, эмэгтэй гурван насны ангилалд 10 багийн 300 гаруй ахмад оролцож байна.
Энэ дунд “Мон-Торх”, “SBL Хасын Хүлэг”, “Хобби”, “Гурван Тамир”, “Алтайн Бүргэдүүд”, “Төмөр зам”, “Ус суваг” зэрэг багийн спортын мастер, нэгдүгээр зэрэгтэй тамирчид оролцож байгаа юм. Ахмадын улсын аварга шалгаруулах тэмцээн энэ сарын 28 буюу баасан гарагт аваргуудаа тодруулна.