Туркийн Самсун хотноо энэ сарын 28-30-нд болох олон улсын жүдо бөхийн холбооны Гран при тэмцээнд манай залуу жүдочид ур чадвараа сорино.

Энэхүү  тэмцээнд 46 орны 390 гаруй тамирчин оролцохоор албан ёсоор мэдүүлгээ өгөв. Тэмцээний шагналын сан нь 100 мянган евро юм. Манай улсаас ОУХМ Г.Дашдаваагаар удирдуулсан залуу жүдочид  зодоглох бөгөөд эрэгтэйчүүдийн 60 кг-д М.Ганболд, Ц.Цогтбаатар, 66 кг-д Д.Алтансүх, 81 кг-д Д.Нямсүрэн, 90 кг-д Л.Отгонбаатар, Г.Алтанбагана, -100 кг-д Б.Серик нар оролцохоор өчигдөр эх орноосоо мордов. Харин өнгөрсөн долоо хоногт Тбилисийн Гран при тэмцээнд  барилдсан манай долоон тамирчин тэндээсээ шууд Турк улсыг зорих юм.