Шатрын эрэгтэйчүүдийн 54, эмэгтэйчүүдийн 45 дахь удаагийн улсын аварга  шалгаруулах тэмцээн Говь-Алтай аймагт болно. Ирэх сарын 5-13-ны хооронд үргэлжлэх уг тэмцээнд эрэгтэй 14, эмэгтэй 12 тамирчин өрсөлдөх ажээ. Улсын аваргад оролцох шатарчид дунд 23 дахь удаа оролцох гэж байгаа их мастер Б.Хатанбаатараас эхлээд анх удаа өрсөлдөх гэж буй залуу шатарчин Ү.Агьбилэг, Э.Энхнар, С.Жаргалмаа, Ү.Үүрийнтуяа нар бий. Түүнчлэн их мастер Ц.Батчулуун, Б.Гүндаваа, Д.Шаравдорж, олон улсын мастер Б.Анхчимэг, ФИДЕ мастер У.Лхамсүрэн С.Отгонжаргал, Ц.Мөнхчулуун нар улсын аваргад өрсөлдөх ажээ.