Өнгөрсөн зууны шилдэг хөл бөмбөгчин Диего Марадона өөрийн 23 настай найз бүсгүйгээ гэрээс нь эд зүйл хулгайлсан хэмээн хардаж, түүнээс салахаар шийдсэн байна. Хөл бөмбөгчийн хэлснээр бол түүний Дубай дахь харшаас нь сүйт бүсгүй Росио Олива нь мөнгө үнэт зүйлс хулгайлж авчээ. Харин загвар өмсөгч шаргал үст бүсгүй үүнийг нь няцааж “Би юу ч хулгайлаагүй, бидний харилцаа ч төгсөөгүй. Бидний харилцааг дуусгаж салгах гэж олон хүн янз бүрээр оролддог” гэсэн байна.
Нэрт хөл бөмбөгчийн өмгөөлөгч харин тэр хоёрын харилцаа үүгээр төгссөн гэж мэдэгдсэн байна.  Марадона ч хайртай байсан бүсгүйгээ шүүхэд өгөхөөр шийдсэн гэнэ.

Марадона, Олива хоёр 2014 оны Гэгээн валентины өдрөөр харилцан хайртайгаа зарласан юм. Төд удалгүй 53 настай Марадона бүсгүйгээ “Манчестер Юнайтед”-ийн испани хөл бөмбөгч Давид де Хеатай хардаж байлаа. Харин Давид энэ бүсгүйтэй хэзээ ч уулзаж байгаагүй гэж хэлж байсан юм.