ОХУ-ын Эрхүү хотноо дөрөвдүгээр сарын 24-27-нд болсон Ялалтын баярын нэрэмжит дунд сургуулиудын олон улсын тэмцээнээс  Монголын баг тамирчид 6 алт, 7 мөнгө, 10 хүрэл медаль хүртжээ.

Тус тэмцээн бага, дунд, ахлах гэсэн гурван насны ангилалд аваргуудаа тодруулсан юм. Манай улсын 40 хүний бүрэлдэхүүнтэй багт 29 тамирчин, дөрвөн дасгалжуулагч, хоёр шүүгч болон албаны хүмүүс багтжээ. Ялалтын баярын нэрэмжит уг тэмцээнд ур чадвараа сорьсон Монголын 29 тамирчнаас 23 нь медаль хүртсэн бөгөөд тэднийг уншигч та бүхэнд танилцуулж байна.

Б.Төгөлдөр /Ширэн бээлий/ 44 кг, О.Гантогтох /Эрдэнэт бокс/ 46 кг, Д.Мөнх-Эрдэнэ /БГД/ 49 кг, М.Гансүх /Алтан бээлий/ 54 кг, О.Бямба-Эрдэнэ /Ширэн бээлий/ 64 кг, Э.Элбэг /Барселона/ 66 кг-д тус тус аваргын алтан медаль хүртсэн бол Ө.Төрбат /Эрдэнэт бокс/ 34 кг, Н.Гансүх /Хангарьд/ 52 кг, О.Лхагвацэцэг /Бурхан Халдун/ Эм 54 кг, Э.Шижирбаатар /Барселона/ 57 кг, Р.Өнөболд /Чоно бокс/ 60 кг, М.Түвшинзаяа /МСБТСДС/ 66 кг, О.Баярсайхан /Эрдэнэт бокс/ 75 кг-д тус тус мөнгөн медалийн эзэд болжээ.

Тус тэмцээний хүрэл медалийн эздээр Г.Хатантөр /МСБТСДС/ 32 кг, Ж.Гомбо-Эрдэнэ /Чоно бокс/ 32 кг, Б.Батмөнх /Бурхан Халдун/ 48 кг, Э.Мөнхбат /МСБТСДС/ 48 кг, Б.Гантулга / Хөх чоно/ 52 кг, Д.Дэлгэрмөрөн /МСБТСДС/ Эм 54 кг, Б.Сүххуяг /Хангарьд/ 54 кг, Я.Төртулга /МСБТСДС/ 54 кг, Т.Улаанбаатар /Эрдэнэт бокс / 60 кг, Х.Мөнхсайхан /МСБТСДС/ 81 кг-д тус тус тодорлоо.