Оросын Ерөнхийлөгч В.Путин ирэх долоо хоногт АНУ-д хийхээр товлогдсон айлчлалаа цуцалжээ. Ажлаа аваад удаагүй байгаа тэрээр Засгийн газраа шинээр бүрдүүлж, тохинуулахын тулд зайлшгүй эх орондоо байх шаардлагатай байгаа тул айлчлалаа цуцлахаас өөр аргагүйд хүрснээ Ерөнхийлөгч Б.Обамад утсаар тайлбарлажээ. Уг нь, В.Путин Цагаан ордонд АНУ-ын Ерөнхийлөгчтэй уулзан, Кэмп Дэвидэд болох Их наймын эдийн засгийн уулзалтад оролцох ёстой байсан юм. Гэвч В.Путин, Д.Медведев хоёр албан тушаалаа солилцож түүнийг дагасан томилгоо хийж буйн дээр, үүнийг эсэргүүцсэн улс төрийн жагсаал цуглаан тасрахгүй байгаа нь Ерөнхийлөгчийг айлчлалаа цуцлахад хүргэсэн бололтой.