Конгийн нийслэл Киншасед ням гарагт болсон хөл бөмбөгийн тэмцээний үеэр хөгжөөн дэмжигчдийн дунд мөргөлдөөн гарч хамгийн багаар бодоход 15 хүн амь алдаж, 20 гаруй хүн бэртэж гэмтлээ гэж Reuters агентлаг мэдээллээ.
Хөгжөөн дэмжигчид үймэлдэж эхлэхэд цагдаа нар нулимс асгаруулагч хий цацсанаас хүмүүс бужигналдаж чихчилдсэнээс ийн хүмүүс дарагджээ.
Киншаса хотын баг Лумумбаши хотын багтай тоглож дэвжээний эзэн баг 1:0-оор хожигдсоноос сэтгэл дундуур хөгжөөн дэмжигчид бухимдаж үймээн дэгдээсэн нь ийм явдалд хүргэсэн байна. Хотын захирагчийн албаны төлөөлөгч Эммануэль Аквита 15 хүн амь алдаж, өөр бас 24 хөгжөөн дэмжигч бэртэж гэмтсэн гэж хэлсэн бол Кинсаша хотын цагдаагийн ажилтан амь үрэгдсэн хүний тоо 18 хүрсэн гэжээ.