Монголын бодибилдинг фитнессийн нэгдсэн холбоо /МБФНХ/  24 дэх удаагийнхаа улсын аварга шалгаруулах “Монголын мистер” тэмцээнийг  энэ сарын 18-ны өдөр СТӨ-нд зохион байгуулна.

Тэмцээнд түрүүлсэн тамирчныг Азийн болон ДАШТ-д оролцуулна. МБФНХ нь 1993 онд ОУБФХ-нд элсч, уг нэрээрээ 2009 оноос бүртгэгдэн үйл ажиллагаа явуулж байгаа юм. Тус холбоо нь 2011 онд Монголдоо Ази тивийн аварга шалгаруулах тэмцээн, 2013 онд ДАШТ-ийг тус тус амжилттай зохион байгуулсан.

Мөн жил бүр хотын аварга шалгаруулах тэмцээн, улсын аварга шалгаруулах тэмцээнийг 11 ангиллаар зохион байгуулж шилдгүүдээ тодруулдаг. Үүнд: эрэгтэй 60, 65, 70, -75, +75 кг мөн 21 наснаас доош, 40-өөс дээш насны масстар Фитнесс, мисстер Фитнесс, буюу эмэгтэй тамирчид нь мисс Фитнесс, бодибилдинг Фитнесс гэсэн ангилалд багтдаг. Энэ удаагийн УАШТ-д 30 орчим клубын 128 гаруй залуу тамирчид оролцохоор бүртгүүлээд байна.