Гольфын оюутны 15 дахь удаагийн Дэлхийн аварга шалгаруулах тэмцээн  Швейцарь улсын Гранс Монтана хотноо ирэх сард болох бөгөөд А.Энэрэл ганцаараа эх орноо төлөөлөн оролцоно.

Зургадугаар сарын 21-28-нд болох тус тэмцээнд 24 орны эрэгтэй 75, эмэгтэй 69 тамирчин оролцохоор мэдүүлгээ өгөөд байна. Харин манай улсаас 2013 оны Монгол Улсын аварга Алтансүхийн Энэрэл ур чадвараа сорихоор болжээ. Тэрбээр тус тэмцээнд оролцох бэлтгэл сургуулилтаа Скай ресортын талбайд эрчимтэй хийж байна.