"Үндэсний цом-2014" тэмцээний алтан медаль болон хүрэл медалийн төлөөх тоглолт маргааш өдөр Монголын хөлбөмбөгийн талбайд болно.

Монгол Улсын Ерөнхийлөгчийн дэмжлэгтэйгээр МХБХ-ноос зохион байгуулж байгаа “Үндэсний Цом-2014” тэмцээн Монголын хөлбөмбөгийн талбайд энэ сарын 10-нд эхэлсэн. Тус тэмцээнд 15 аймгийн баг дөрвөн хэсэгт хуваагдан өрсөлдөж хэсэг бүрээс хоёр баг шалгарсан.

Шөвгийн наймын тоглолт өчигдөр болж, Сүхбаатар, Дархан-Уул, Сэлэнгэ болон Ховд аймгийн багууд медалийн төлөө өрсөлдөхөөр шалгарлаа. Уг тэмцээний шөвгийн наймд Сүхбаатар аймгийн баг, өнгөрсөн жилийн аварга Дорнодын багтай тоглож 0:0 гэсэн оноогоор тэнцсэний эцэст 11 метрээс торгуулийн цохилт хийж 4:3-аар буулган авснаар хагас шигшээд шалгарч чадлаа.

Өнгөрсөн жилийн хагас шигшээд шалгарсан дөрвөн багаас Ховд аймгийн баг медалийн төлөө өрсөлдөхөөр үлдээд байна. Харин Дорнод, Ховд, Сэлэнгэ аймгийн багууд хагас шигшээд шалгарч чадсангүй. Шигшээд өрсөлдөх эрхийн төлөө өнөөдөр Дархан-Уул-Сэлэнгэ, Ховд-Сүхбаатар багууд тоглоно.