Хятадын их дээд сургуулиудад суралцаж буй монгол оюутнуудын дунд болдог сагсан бөмбөгийн аварга шалгаруулах тэмцээн ӨМӨЗО-ны Хөххотод амжилттай болж өндөрлөлөө.
Өнгөрөгч амралтын өдрүүдэд болсон тус тэмцээнд Хятадын гурван том хотоос эрэгтэй зургаа, эмэгтэй дөрвөн баг тамирчид хүрэлцэн ирж оролцсоноос нэгдүгээр байранд Хөххотын баг шалгарч, Бээжингийн баг удаалж, Тунляо хотын баг гуравдугаарт шалгарчээ. Түрүү жил Бээжинд болсон оюутны Универсиад наадамд мөн Хөххотын баг тамирчид түрүүлж байсан билээ. Монгол Хятад хоёр улсын хооронд дипломат харилцаа тогтоосны 65 жилийн ойд зориулсан тус тэмцээнийг Эрдэнэтийн Уулын баяжуулах үйлдвэр ивээн тэтгэжээ.