Бразильд болох хөлбөмбөгийн дэлхийн аварга шалгаруулах тэмцээн өмнөх аваргуудаас илүүтэйгээр дуулиан дэгдээх магадлалтай тухай “Нью Йорк таймс” сонинд бичжээ.
Бразилийн зарим хотын засаг захиргааныхан спортын объектуудыг барьж дуусгах боломжгүй болсон төдийгүй эсэргүүцлийн тэмцэл байнга гарч байна. Мөн халуун орны чичиргэнэ өвчин гараад удаж байгаа ажээ. Өнгөрсөн жил гэхэд л 1,5 сая хүн энэ өвчний халдвар авсан байна. Натал, Форталеза, Ресифи хотод тэмцээний үеэр цаг агаар +30 градус давж халах бол Рио-Де-Жанейро, Белу-Оризонти, Салвадор болон Манаус хот ч эрсдэлтэй гэдэгт багтжээ. Мэргэжилтнүүд, тамирчид болон хөгжөөн дэмжигчдэд үхлийн аюул тулгарч болзошгүйг онцолсон байна. Үүнтэй холбоотойгоор Бразилийн үйлдвэрчний эвлэл аагим халуун, хэт их чийгшилтэй үед тэмцээн явуулахгүй байхыг зохион байгуулагчдаас шаардаж эхэлжээ.  Тэмцээн зургадугаар сарын 12-ноос долдугаар сарын 13-ныг хүртэл болно.