Өнгөрсөн бямба ням гарагуудад болсон “NPC Junior USA”-гийн бодибилдингийн аварга шалгаруулах тэмцээний үеэр хоёр гаргүй бүсгүй Барби Томас тэнд орлцож байсан хэдэн зуун тамирчдаас ганцаараа үзэгчдийн сэтгэлийг ихэд татаж шуугиан тарьсан байна. Тэрээр тэмцээний аваргын титэм гарджээ.

Хоёр хүүхдийн ээж, 37 настай энэ эмэгтэй бүр бага, хоёр ой хагастай байх үедээ цахилгааны трансформаторын тэнд тоглож байгаад өндөр хүчдэлд цохиулан түлэгдсэний улмаас хоёр гараасаа салжээ.

Өсөхдөө тэрээр хүний хийдэг бүхнийг хөлөөрөө хийж сурсан байна. “Хүсч, мөрөөдөх юм бол бүхнийг хийж болно гэж би хүмүүст хэлдэг байсан. Үүнд ганцхан саад нь өөрөө өөрийгөө дайчлахгүй байх л юм. Хэнд ч гэсэн чадвар бий, бүр хязгааргүй бий” гэж Барби хэлж байна.
Гурван ч удаа гэрлэж байсан тэрээр одоо насанд хүрсэн хоёр сайхан хүүтэй.