1938 оны ДАШТ зургадугаар сарын 4-19-нд Франц улсад болов. Тэмцээнд 15 баг оролцсоноос Европын 12, Хойд Америкийн хоёр баг оролцож байсан бол Өмнөд Америк тивийг төлөөлж нэг улс орж байв.
Зохион байгуулагчид та­салбарын худалдаанаас нийт зургаан сая франкийн орлого олсон нь дэлхийн аваргын түүхэн дэх хамгийн ашигтай тэмцээнд тооцогддог. Тэмцээний хамгийн за­луу тоглогч 18 настай Нидер­ландын Йон де Хардер байсан бол ахмад нь 34 настай Петер Андерсон байв.
Анхны дэлхийн аварга Уругвайн баг Итали 2:4-өөр  хожиж аварга цолоо хамгаалсан нь хөлбөмбөгийн ертөнцийн анхны хошой аварга гэх эрхэм хүндтэй цол авчирсан юм. Уг дэлхийн аваргад хамгийн олон гоол орсон тоглолт Бразиль-Польш хооронд болсон бө­гөөд тухайн үед Бразиль 6:5-ын харьцаатай хожсон юм.
Харин хамгийн олон бөмбөгний зөрүүтэй хожсон тоглолт Швед-Кубын хооронд өрнөсөн  бөгөөд Шведийн шигшээ Латин Америкийн төлөөллийг 8:0-ээр буулган авсан гэдэг.
Тэмцээний мэргэн буучаар Бразиль улсын шигшээ багийн тоглогч Леонидас тодорсон ба тэрээр таван тоглолтод оролцож найман гоол оруулсан юм.
Харин Польшийн тоглогч Вилимовский Бразилийн эсрэг тоглолтод дөрвөн гоол оруулж анхны покер хийсэн тоглогч болжээ.