Чөлөөт бөхийн олон улсын нээлттэй тэмцээн өнгөрсөн өдрүүдэд ОХУ-ын Саха улсын Якутск хотноо болж манай бөхчүүд хос алтан медальтай эх орондоо ирлээ.

Тус тэмцээн нь энэ сарын 19-нд эхлэх насанд хүрэгчдийн чөлөөт бөхийн бөхийн ОХУ-ын аварга шалгаруулах тэмцээний өмнөх  сорил тэмцээн гэдгээрээ онцлогтой юм. Уг сорил тэмцээнд манай улсаас 12 тамирчин, дасгалжуулагч, гавьяат тамирчин О.Пүрэвбаатарын удирдлага дор оролцсон байна. Манай бөхчүүдээс 65 кг-д “Хасу мегават” клубын тамирчин Б.Нэмэхбаяр, 74 кг-д хүч үзсэн “Гачуурт олимп” сургуулийн бөх Э.Идэрхүү нар өрсөлдөгчдөө ялж алтан медалийн эзэд болжээ.