Дэлхийн өнцөг булан бүрт амьдардаг уйгур үндэстнүүд Японд чуулж байна. Уг чуулганыг “Дэлхийн Уйгурын Конгресс” хэмээх төрийн бус байгууллагын тэргүүн Ребия Кадир дөрөв дэх удаагаа зохион байгуулж байгаа юм. Салан тусгаарлах үзэлтэн хэмээн Хятадын эрх баригчдын нүд үзүүрлэдэг энэ эмэгтэй АНУ-д дүрвэн гарчээ. Түүнийг Японд ирэхийг зөвшөөрч, виз олгосонд Хятадын эрх баригчид дургүйцэж буйгаа илэрхийлсэн боловч уйгуруудын чуулган арлын оронд таван өдөр үргэлжилж байна. Р.Кадир чуулганд үг хэлэхдээ Хятад улс хүчирхэгжих тусмаа уйгур үндэстнийг шахан хавчиж байгаа тухай дурдаад Шинжаан мужид амьдарч буй энэ үндэс угсааны найман сая хүн тусгаар тогтнохыг хүсч байна хэмээн мэдэгджээ.