Дуучин Женнифер Лопез хөлбөмбөгийн дэлхийн аварга шалгаруулах тэмцээний нээлтийн ажиллагаанд /We are one/, “Ола Ола” дууг дуулахгүй болсныг ФИФА мэдэгдлээ. Харин нээлтийн ёслолд Питтбул, Бразилийн дуучин Клаудиа Лейтте нар “Ола Ола” дууг олны хүртээл болгох аж. Женнифер Лопезын дуулахгүй болсон шалтгааныг хувийн уран бүтээлийн ажил нь давхцаж байгаатай холбоо той гэжээ. 20 дахь удаагийн хөлбөмбөгийн дэлхийн цомын нээлтийн ёслол 25 минут үргэлжлэх юм. Нээлтийн ёслолд дуучдаас гадна бие хамгаалах урлагийн, модон хөл дээр явагч болон акробатч гэх мэт 600 гаруй уран бүтээлч оролцох юм.