"
Бельгийн нийслэл Брюсселийн бэлгэ тэмдэг болсон шээж байгаа жаал хүүг мэдэхгүй, хараад өхөөрдөж, хайр хүрдэггүй  хүн байхгүй. Одоо харин түүнтэй “Шээж байгаа Ленин” өрсөлдөх болж байна. Польшийн Краков хотын төв Рональд Рейганы талбайд дэлхийн хөдөлмөрчдийн их багш Владимир Лениний шээж байгааг дүрсэлсэн хөшөө-усан оргилуур байрлуулжээ. RadioKrakow-ын мэдээлснээр бол “Ирээдүйн оргилуур” нэртэй,  шар ногооноор будсан энэ баримлыг хэн бүтээснийг нууцалжээ.

Энэ талбай байрладаг “Новая Гута” дүүргийг 1951 онд барьж ашиглалтад оруулахдаа Зөвлөлт засгийн үед Краков хотын жинхэнэ пролетариудын дүүрэг болгохоор төсөөлжээ. Харин 1989 онд Польшид коммунист засаглал унахад Рональд Рейганы нэрээр нэрлэж зөвлөлтийн эсрэг жагсагчдын шаардлагаар Лениний хөшөөг нь буулгасан юм байна.
Харин одоо шээж байгаа Ленинийг олон хүн шоолон инээлдэж байгаа бол зарим нь Ленинийг ингэж дорд оруулахыг эсэргүүцэж байгаа гэнэ.