Азийн элсний спортын гуравдугаар их наадам БНХАУ-ын Шандунг мужийн Хайян хотноо өнөөдөр эхлэх юм. Тус тэмцээн нь 22 нд дуусах ба 13 спортын 49 зайн төрлөөр явагдаж аваргуудаа тодруулах юм. Ойролцоогоор 3000 гаруй тамирчин оролцох уг тэмцээнд Азийн олимпын зөвлөл, наадмыг зохион байгуулах хорооны шийдвэрээр модон бөмбөгийн тэмцээнийг Монголын шүүгч Ч.Эрдэнэтуяа шүүхээр болжээ. Түүний хувьд урьд нь 2010 оны Азийн элсний хоёрдугаар их наадмыг шүүж байсан туршлагатай юм.