Хөлбөмбөгийн дэлхийн аварга шалгаруулах тэмцээний үеэр хөгжөөн дэмжигчдийн байдлаас болоод Олон улсын хөлбөмбөгийн холбоо ФИФА Оросын оноог хасах шийтгэл оногдуулж магадгүй гэж The Telegraph –ын сэтгүүлчид бичиж байна. ДАШТ-ын үеэр Оросын баг  Өмнөд Солонгосын шигшээ багтай тоглох үеэр оросын хөгжөөн дэмжигчид индэр дээр неонацистуудын хэрэглэдэг кельтийн загалмай дүрсэлсэн баннер дэлгэж байжээ.
Зарим улс орны хөгжөөн дэмжигчид дэлхий дахиныг үзэн ядах үзлээ илэрхийлж байна. Ийм байдлын талаар  саяхан олон улсын хөл бөмбөгийн холбоо  байр сууриа илэрхийллээ. “Хүн төрөлхтний эсрэг, үндэс угсаа, арьс өнгөөр ялгаварласан утга бүхий уриа, зэрэг плакатаа даруй авах хэрэгтэй. Үүнийг даруй таслан зогсоохгүй бол хяналтаас гарч мэдэхээр байна. Олон улсын хөлбөмбөгийн холбоо хөгжөөн дэмжигчдийн ийм байдалд зохих арга хэмжээ авна гэж найдаж байна. Фашизм сурталчилсан ийм байдлыг цаг алдалгүй таслан зогсоох ёстой” гэж Fare байгууллагын гүйцэтгэх захирал, ФИФА-гийн арьсны өнгөөр ялгаварлахын эсрэг хорооны гишүүн Пиара Повара  хэлснийг РБК иш татжээ.
Бразилтай тоглосон Хорватын хөгжөөн дэмжигчид индэр дээр фашизмын сүлд байрлуулсан учир оноог нь ч хасч мэдэхээр байна. Мөн Бразил, Мексикийн багуудад анхааруулга өгчээ.