Германы Тюбингенийн Их сургуулийн вирус судлал, микробиологийн салбар сургуулийн хашаанд байдаг чилийн зураач Фернандо де ла Харагийн бүтээл "Chacán-Pi" буюу “бэлгийн ажил” нэртэй 32 тонн жинтэй хөшөөнд америкийн нэгэн оюутан ороод гарч чадахгүй гацсан  тохиолдол гарчээ.
Эмэгтэй хүний эрхтний хэлбэртэй хөшөөнд залуу эр орж чадсан ч эргэж гарч чадалгүй гацсан байна.  Аргагүйн эрхэнд аврагчдыг дуудахад 22 аврагч ирж ажиллан залууг ч бэртээж гэмтээлгүй, хөшөөг ч сэвтээлгүй  арай гэж гаргаж авчээ.

Албаныхны мэдээлснээр 120 мянган долларын үнэтэй уг хөшөө зохиогчийн төсөөллөөр бол “Ертөнцөд нэвтрэх хаалгыг” бэлгэдсэн гэнэ.  
Хөшөөг байрлуулаад 13 жил болоход америк залуу л анх удаа эхийн энэ умайнд   орж гацсан нь энэ юм байна.