БНХАУ-ын Чинхуандао хотноо эмэгтэй боксчдын дэлхийн аварга шалгаруулах тэмцээн болж буй. Олимпын эрхийн тулаанд мордсон эмэгтэй ширэн бээлийтнүүд маань тэмцээнээ эхлүүлж 51 кг-д олимпын эрхийн төлөө хүч үзсэн М.Нандинцэцэг Финляндын тамирчинд 16:13-аар, 60 кг-д О.Сувд-Эрдэнэ Румыний тамирчинд 18:12-оор ялагдаж, тэмцээнээ дуусгасан юм. Харин тэмцээний шөвгийн 32-ын тоглолтууд өчигдөр эхэлж олон улсын хэмжээний мастер, Ази тивийн аварга Э.Уянга Туркийн Гамез Башартай таарч 31:22-оор өрсөлдөгчөө сөхрүүллээ.